Ei, du schöne Schnitzelbank…
A dr Lostorfer Fasnacht es isch wunderbar,
hets s’erschtmol gha e prächtige Obernaar!
Henä dr 1. heisst dä schöni Ma,
es herrlichs Gwand het är de a gha.
Vom Gmeindspräsi het är dr Schlüssu übercho,
het d’Leitig vom Dorf grad übernoh.
Es paar Ufgabe hät i ihm de ou no gwüsst,
bi dr erfolgte Lösig ihn grad abküsst.
Z’erscht chöntsch mol, dir wärdet mi verstoh,
chli warm Wasser is Thermalbad ineloh.
Nachhär Henä, es duet mi chli frustriere,
e wet i meh als nume ei Beiz chöne go diniere.
Witer gots, jo wo simmer de do?
E wet mini Poscht nid erscht zum Znacht übercho!
Mit dr letschte Ufgab, e gibe dir de Räscht,
suech no es neus Plätzli fürs Beizlifäscht!
Leider isch d’Fasnacht scho wieder verbi,
um alles z’löse isch Zit z’churz gsi.
Für me wär das gsi e grosse Knüller,
jä nu, de stürmi halt wieder bim Thomas Müller!
